သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာန၊ အပူပိုင်း(၁၃)ခရိုင် စိမ်းလန်းစိုပြည်ရေး ၂၀၂၅ ခုနှစ် မိုးရာသီ လူထုလှုပ်ရှားမှုအသွင်ဖြင့် သစ်ပင်စိုက်ပွဲကို (၁၁.၇.၂၀၂၅)ရက်နေ့တွင် ကွန်ပျူတာတက္ကသိုလ်(မုံရွာ)၌ ကျင်းပပြုလုပ်ခဲ့ပါသည်။ အဆိုပါ သစ်ပင်စိုက်ပွဲတွင် အနောက်မြောက်တိုင်းစစ်ဌာနချုပ်မှ တိုင်းဦးစီးချုပ် ဗိုလ်မှူးချုပ် ကျော်စွာဝင်း၊ စစ်ကိုင်းတိုင်းဒေသကြီးအစိုးရအဖွဲ့ဝင် လုံခြုံရေးနှင့်နယ်စပ်ရေးရာဝန်ကြီး ဗိုလ်မှူးကြီး ဝင်းတင်စိုး၊ စစ်ကိုင်းတိုင်းဒေသကြီးအစိုးရအဖွဲ့ အတွင်းရေးမှူး ဦးခင်မောင်ချို၊ ကွန်ပျူတာတက္ကသိုလ်(မုံရွာ) ပါမောက္ခချုပ် ဒေါက်တာစိုးစိုးခိုင်၊ ဆရာ/ဆရာမများ၊ ကျောင်းသား/ကျောင်းသူများ နှင့် ဝန်ထမ်းများ၊ ယင်းမာပင်ခရိုင် စီမံအုပ်ချုပ်ရေးမှူး နှင့် အဖွဲ့ဝင်များ၊ သစ်တောဦးစီးဌာန နှင့် ပတ်ဝန်းကျင်စိမ်းလန်းစိုပြည်ရေးဦးစီးဌာနတို့မှ တာဝန်ရှိသူများ၊ ကျောင်းအနီးမှ ဒေသခံပြည်သူများနှင့် အခြေခံပညာကျောင်းမှ ကျောင်းသား/ကျောင်းသူများ စုစုပေါင်း (၄၅၀) ဦးတက်ရောက်ခဲ့ကြပြီး သတ်မှတ်နေရာများတွင် စုစုပေါင်း ပျိုးပင်(၆၀၀)ကို စိုက်ပျိုးခဲ့ကြပါသည်။
